پاکستان آرمی میں شمولیت کیلئے اہلیت اور قابلیت کے معیار ہر کورس ، برانچ اور کور کیلئے مختلف ہوسکتے ہیں۔ یعنی پی ایم اے لانگ کورس کمیشنڈ آفیسروں کیلئے اہلیت کے معیارات، پاک فضائیہ کی جنرل ڈیوٹی پائلٹ برانچ ، آرمی میڈیکل کور ، انجینئرنگ برانچ یا شارٹ سروس ریگولر کمیشن کے ضمرے کی ملازمتوں کے مقابلے میں مختلف معیارات رکھتا ہے اور فوجیوں کی شمولیت کے معیار مختلف ہیں۔
ہم ان محب وطن اور بہادر جوانوں کیلئے پاکستان ملٹری اکیڈمی لانگ کورس کیلئے اہلیت کے معیار کے بارے میں تفصیل سے وضاحت کرتے ہیں جو اپنی پاک سرزمین کے محافظ بننا چاہتے ہیں اور پاکستان آرمی میں سیکنڈ لیفٹیننٹ کی حیثیت سے کمیشن حاصل کرنا چاہتے ہیں۔ اس سلسلے میں آپ یہاں سوال پوچھ سکتے ہیں یا مزید رہنمائی کیلئے آپ ہم سے ای میل یا ہمارے سوشل میڈیا چینلز پر بھی رابطہ کرسکتے ہیں۔
اہلیت اور پی ایم اے لانگ کورس کی ضروریات
تمام مذاہب ، علاقوں اور مسلک کے سب شہری پی ایم اے لانگ کورس میں شمولیت کے انتخاب کیلئے یکساں اہل ہیں۔ لیکن صرف اس صورت میں اگر وہ پاک فوج میں شمولیت کیلئے درج ذیل معیار اور شرائط کو پورا کرتے ہوں
قومیت
پاکستان کے شہری بشمول آزاد کشمیر کے رہائشی اور اسٹیٹ کلاس ون کے شہری۔
صنف
پاک آرمی کمیشنڈ آفیسر بننے کیلئے پی ایم اے لانگ کورس کیلئے صرف مرد امیدواروں کو قبول کرتی ہے۔ یہ کمیشن سیکنڈ لیفٹیننٹ کے عہدے سے شروع ہوتا ہے۔
خواتین ان دوسرے کورسوں اور شاخوں میں درخواست دے سکتی ہیں ، جس کیلئے مرد اور خواتین دونوں کو قبول کیا جاتا ہے ۔ مرد اور خواتین دونوں افسران آرمی میڈیکل کور کے ڈاکٹروں ، انجینئرنگ کور کے انجینئرز ، آئی ٹی برانچ ، سافٹ ویئر انجینئرز ، ایڈمنسٹریشن افسران ، ایجوکیشن برانچ ٹیچنگ اسٹاف ، ماہر نفسیات وغیرہ کے طور پر قبول کیے جاتے ہیں۔ اسی طرح نرسنگ سٹاف کیلئے صرف خواتین اپلائی کرنے کی اہل ہیں ۔
براہ کرم ہر کورس کے آغاز پر اخبارات اور میڈیا میں تازہ ترین سرکاری اشتہار ملاحظہ کریں کیونکہ حالات اور بروقت تقاضوں کی بنا پر ہر چھ ماہ بعد اسے تبدیل کیا جاسکتا ہے۔
پی ایم اے لانگ کورس کیلئے مطلوبہ عمر
انٹرمیڈیٹ یا مساوی اہلیت رکھنے والے شہریوں کیلئےبعمر کی حد 17-22 سال ہے۔
زیادہ سے زیادہ اور کم سے کم عمر کی دونوں حد میں زیادہ سے زیادہ 3 ماہ کی نرمی دی جا سکتی ہے۔ اس کا مطلب یہ ہے کہ اگر کوئی امیدوار تمام مراحل سے کامیابی سے گزرتا ہے تو اسے کم یا زیادہ مطلوبہ عمر کی مد میں 3 ماہ تک کی رعایت مل سکتی ہے
دو سال کی گریجویٹ ڈگری والے شہریوں کیلئے عمر کی حد 17-23 سال ہے
چار سال کی گریجویٹ ڈگری والے شہریوں کیلئے عمر کی حد 17-24 سال ہے
پاک فضائیہ اور پاک بحریہ کے حاضر سروس جوانوں کیلئے عمر کی حد 17-23 سال ہے
پاکستان آرمی کے حاضر سروس اہلکاروں کیلے عمر کی حد 17-25 سال ہے۔
[the_ad id=”2155″]
ازدواجی حیثیت
صرف غیر شادی شدہ شہری اہل ہیں ۔
مسلح افواج کے 17- 19 تک حاضر سروس اہلکاروں کیلئے غیر شادی شدہ
شادی شدہ یا غیر شادی شدہ دونوں اہل ہیں اگر عمر 20 یا اس سے زیادہ ہے۔
پی ایم اے لانگ کورس میں شامل ہونے کیلئے درکار تعلیمی قابلیت
یہاں بیان کردہ تفصیل کے مطابق تعلیمی ضرورت متغیر ہے۔ آپ سے گزارش ہے کہ تمام تقاضوں اور تفصیل کو غور سے پڑھیں۔ اہلیت کے لئے یاد رکھیں بہت سارے اور ایک سے زیادہ اختیارات دستیاب ہیں۔
انٹرمیڈیٹ یا مساوی ایف اے، ایف ایس سی ، آئی سی ایس، آئی کام میں کم از کم 60٪ نمبر۔ لیکن انٹرمیڈیٹ میں 50 فیصد تک نمبر حاصل کرنے والے اگر گریجویشن ڈگری میں 60٪ نمبر حاصل کرتے ہیں تو وہ بھی اہل ہیں۔
مندرجہ ذیل مخصوص علاقوں کے ڈومیسائل رکھنے والے امیدوار انٹرمیڈیٹ یا مساوی امتحانات میں کم سے کم 55 فیصد نمبروں کے ساتھ بھی اہل ہیں
گلگت اور بلتستان
آزاد جموں کشمیر کا ضلع نیلم۔
صوبہ کے پی کے سے ضلع کوہستان ، چترال ، دیر ، تحصیل بالاکوٹ ، کاغان ، ضلع مانسہرہ کا ناران۔
صوبہ سندھ میں ضلع تھرپارکر اور تحصیل عمرکوٹ۔
ڈی جی خان ڈویژن کا ضلع راجن پور ، صحرائے چولستان کا رقبہ ، دراز قلعہ ، موج گڑھ اور صوبہ پنجاب سے دنگ گڑھ۔
پاک فوج کے حاضر سروس فوجی انٹرمیڈیٹ یا اس کے مساوی امتحانات میں 50 فیصد نمبروں کے ساتھ اہل ہیں۔
انٹرمیڈیٹ امتحان میں 60 فیصد سے زیادہ نمبروں کی مضبوط توقعات رکھنے والے امیدوار ہوپ سرٹیفکیٹ کی بنیاد پر بھی درخواست دے سکتے ہیں ، لیکن انھیں انٹرمیڈیٹ کے پارٹ ون میں کم از کم 60 فیصد نمبر ہونا ضروری ہیں۔
پی ایم اے لانگ کورس کی مدت ٹریننگ
پی ایم اے لانگ کورس عام طور پر 2 سال کا ہوتا ہے لیکن خاص حالات اور مخصوص ضروریات کی بنا پر اس کو طویل یا کم کیا جا سکتا ہے۔
[the_ad id=”2155″]
پی ایم اے لانگ کورس میں شامل ہونے کیلئے نا اہلی
جو بھی شخص مذکورہ بالا معیار کو پورا نہیں کرتا ہے یا مندرجہ ذیل میں سے کوئی مسئلہ ہے اسے پی ایم اے لانگ کورس میں شمولیت کیلئے نااہل قرار دیا جاتا ہے۔ بحرحال ایسے افراد ان کے کیس کی حساسیت اور اس کے حل کے امکانات کی بنیاد پر شمولیت کے اہل بھی ہوسکتے ہیں۔
ایسا شخص جو فوجی اسپتال یا اپیل میڈیکل بورڈ کے ذریعہ میڈیکل طور پر نا اہل قرار دیا گیا ہو
ایسا شخص جو ایک بار کسی بھی آرمڈ فورسز سروس (آرمی ، بحریہ اور ایئر فورس) میں کامیابی کے ساتھ داخل ہوا لیکن اس کے بعد سروس چھوڑ گیا
ایسا شخص جو کسی بھی اکیڈمی سے نظم و ضبط ، خراب کردار ، پیشہ ورانہ نااہلی ، طبی مسئلہ ، کمزور پروفائل کی بنا پر خارج کیا گیا یا کسی اور وجہ سے نا اہل قرار دیا گیا ہو۔
ایسا شخص جو کسی دوسری سرکاری / نیم سرکاری تنظیم کی سروس سے برخاست یا ملازمت خود ختم کر چکا ہوں۔
ایسا شخص جسے عدالت اور قانون نے اخلاقی پسماندگی میں ملوث ہونے کے جرم میں سزا سنائی گئی ہو۔
ہم مزید معلومات اور تفصیلات کیلئے اس مضمون کو اپ ڈیٹ کرتے رہیں گے۔ آپ کومنٹس میں یا ہمارے سوشل میڈیا رابطوں پر سوالات کر سکتے ہیں۔
