پاکستان سیکیورٹی فورسز کی طرف سے بلوچستان کے ضلع آواران میں گذشتہ روز لانس نائک اقبال کو شہید کرنے والے دہشت گرد گروہ کیخلاف اپریشن میں 10 دہشت گرد ہلاک ہوگئے ہیں۔ بھارتی خفیہ ایجنسی را کے آلہ کار ان دہشت گردوں کیخلاف انٹیلی جنس اداروں کی اطلاع پر بروقت اپریشن سے اس علاقے میں سرگرم بھارتی ایجنٹوں کے نیٹ ورک کو ختم کرنے میں مدد ملے گی۔
پاک فوج کے ترجمان آئی ایس پی آر کے مطابق ، پاکستانی سیکورٹی فورسز نے ضلع آواران میں دہشت گردوں کے ایک ٹھکانے پر چھاپہ مارا۔ جس میں شدید فائرنگ کے تبادلے کے دوران بلوچ باغی تنظیم کے 10 دہشت گردوں کو ہلاک کردیا۔ پاک فوج کے میڈیا ونگ کے مطابق کل ہونے والے اس آپریشن میں ہلاک ہونے والے دہشت گرد پاکستان آرمی کے لانس نائک اقبال کی شہادت کے ذمہ داران تھے۔
بھارت کی طرف سے دہشت گردوں کی سپورٹ کے حوالے سے یہ بھی پڑھیں
بھارتی وزیر اعظم نریندر مودی سی پیک کیخلاف دہشت گردی کا نیٹ ورک چلا رہا ہے
آئی ایس پی آر کے مطابق اس انٹی ٹیررسٹ کارروائی کے دوران خود کار اسلحہ اور کمیونیکیشن سسٹم کے سامان کا ایک بہت بڑا ذخیرہ بھی برآمد کیا گیا ہے۔ آئی ایس پی آر کے مطابق ، سیکیورٹی فورسز نے علاقے میں دہشت گردوں اور ان کے سہولت کاروں کی موجودگی سے متعلق خفیہ اطلاع ملنے کے بعد ضلع آواران کے قریب جٹ بازار میں سرچ آپریشن کیا تھا۔ جس کے بعد آپریشن کے دوران ان دہشت گردوں اور سکیورٹی اہلکاروں کے مابین شدید فائرنگ کا تبادلہ ہوا تھا ۔
آئی ایس پی آر کا کہنا ہے کہ پاک فوج کے جوانوں کی طرف سے بلوچ باغی دہشت گردوں کے خلاف آپریشن کامیابی کے ساتھ مکمل ہو چکا ہے۔ جس کے بعد جٹ بازار کے اس پورے علاقے کو دہشت گردوں سے پاک کر دیا گیا ہے۔
یاد رہے کہ بھارتی خفیہ ایجنسی را اور دیگر انٹی پاکستان عناصر کے حمایت یافتہ بلوچ باغیوں کی دہشت گرد سرگرمیوں سے علاقے کے مقامی آبادی میں خوف ہراس رہا ہے۔ لیکن پاک فوج کی طرف سے تازہ اپریشنوں کے بعد بھارت کے حمایت یافتہ ان غدار دہشت گردوں کا نیٹ ورک ٹوٹ رہا ہے۔
پاکستان کے ٹیکٹیکل ایٹمی ہتھیاروں کے بارے میرا یہ مضمون بھی پڑھیں
پاکستان کے ٹیکٹیکل ایٹمی ہتھیار حتف اور نصر بھارتی جارحیت کیلئے سڈن ڈیتھ
